வாழ்கிறேன் நானாக!!! - ✍ கவிதைக்காரி - மார்ச் 2021 போட்டிக்கான பதிவு

பண்பிலா பகட்டும்
உண்மையிலா உயர்வும்
பணிவிலா பதவியும்
நேசமிலா உறவுகளும்
நேர்மையிலா நீதியும்
வெட்டியோடும் நட்பும்
ஆபத்தில் உதவா மனிதனும்
வறியவனுக்கு உதவா பணக்காரனும்
நல்லவனைக் கொல்லும் பணமும்
உண்மைக்கு சாட்சியாகா கூட்டமும்
பயத்துக்கும் பணத்துக்கும் அடிமையான மனிதனும்
சாதியம் பேசும் சந்தர்ப்பவாதிகளும்
சுயவிளம்பர தர்ம சீலர்களும்
என் அகராதியில்
மனிதர்களாய் மதிக்கத் தகுதியிலாதவர்கள்!!
எனவே நான்…
திமிர்பிடித்த ஆணவக்காரி!
மதிக்கத்தெரியா சண்டைக்காரி!
மொத்தத்தில் நான்…
புறந்தள்ளப்பட்டவள் எல்லோராலும்!!
எனினும் வாழ்கிறேன் நானாக!!