ஜூலை 2022 – சிறந்த படைப்புப் போட்டிக்கான பதிவு

தேவையானவை:

• இட்லி அரிசி – 1 கப்
• முள்ளு முருங்கை இலை – 20
• ஜீரகம் – 1 டீஸ்பூன்
• மிளகு – 20
• உப்பு – தேவையானது
• கடலை எண்ணெய்/ – பொரிக்க
• சமையல் எண்ணெய்

செய்முறை:

• அரிசியைக் களைந்து தண்ணீர் விட்டு ஒரு மணி நேரம் ஊற வைக்கவும். 
• இலையை நடுவில் உள்ள நரம்பை எடுத்து விட்டு, சிறு சிறு துண்டுகளாகப் பிய்த்துக் வைக்கவும்.
• ஊறியதும் அரிசி, முள்ளு முருங்கை இலை பிய்த்து வைத்தது, ஜீரகம், மிளகு, உப்பு சேர்த்துக் கெட்டியாக அரைத்து எடுக்கவும்.
• ஒரு காட்டன் துணியில் அரைத்த மாவைப் போட்டு ஒற்றி எடுத்தால் மாவில் உள்ள தண்ணீர் எல்லாம் துணியில் உறிஞ்சி விடும்.
• வாணலியில் எண்ணெய் விட்டு அடுப்பில் வைக்கவும்.
• சூடானதும் மாவைச் சிறுஉருண்டைகளாக எடுத்து, வடை போல் தட்டி எண்ணெய்யில் போடவும் .
• இரு பக்கமும் நன்றாக வெந்ததும் எடுத்தால் முள்ளு முருங்கை இலை வடை ரெடி!