Karumalai Thamizhazhan
இரைப்பைக்கு மேலதிக வயிறு தன்னை
இங்கெந்த விலங்கிடமும் கண்ட துண்டா
கரையாத தொப்பையுடன் உலவு கின்ற
காட்டிலெந்த விலங்கிடமும் கண்ட துண்டா !
உரைக்கின்ற சர்க்கரைநோய் இரத்த ழுத்தம்
உள்ளதெனும் விலங்குதனைக் கண்ட துண்டா
திரைமூடி வாழ்மனித இனத்தில் மட்டும்
திகழ்கிறது இத்தனையும் எண்ணிப் பார்ப்பீர் !
கூடுகட்டி வாடகைக்கு விடும்புள் தம்மை
குகையுள்வாழ் விலங்குகளைக் கண்ட துண்டா
கூடுகின்ற காலமன்றிப் பெண்ணை நாடிக்
கூடுகின்ற விலங்குகளைக் கண்ட துண்டா !
காடுகளில் இடம்பிடித்து வேலி போட்டுக்
காவல்செய் விலங்குகளைக் கண்ட துண்டா
கேடுகெட்ட மனிதரிடம் மட்டும் இந்தக்
கேவலங்கள் இருப்பதினை எண்ணிப் பார்ப்பீர்!
மாண்டுவிட்டால் மானின்தோல் தரையின் மீது
மகிழ்வாக அமர்வதற்கு விரிப்பாய் ஆகும்
மாண்டுவிட்டால் மயிற்தோகை வியர்வை போக்கி
மகிழ்விக்கும் குளிர்சியான விசிறி யாகும் !
மாண்டுவிட்டால் யானையkarumதன் தந்தம் கூட
மகிழ்விக்கும் அலங்காரப் பொருள்க ளாகும்
மாண்டுவிட்டால் மனிதவுடல் பயனே இன்றி
மணணோடு மண்ணாகும் எண்ணிப் பார்ப்பீர் !
This post was created with our nice and easy submission form. Create your post!
GIPHY App Key not set. Please check settings