External Contributor
பார்ப்பதற்கே பாவமாய்
பிஞ்சு பாதமிரண்டும்
பகலவனின் கதகதப்பில்
பதுங்குவதில் மனம் பதறும்
பிறை நிலவை ஒத்த
பிஞ்சு நெற்றியிலிருந்து
கரிய மை வழிந்தோடி
கல்மனதையும் கரையச் செய்யும்
பட்டன் இல்லா மேற்சட்டை
அழுக்கும் சுருக்கமுமாய்
காட்சியளிக்கும் பாங்கிலும்
கந்தையை கசக்கி
கட்டிய மாண்பு தெரியும்
குழைத்த சோறின்றி
குழி விழுந்த கன்னத்துடன்
பருக்கை வேண்டுமென
பரிதவிக்கும் நிலையிலும்
வணங்கி நம்மிடம் ஏந்தும்
வாழைப்பூ பிஞ்சு கரங்களை
தன்னுடனே அணைத்து
தவிப்பை போக்கி அரவணைக்க
தகிக்கிறது இப்பாவி மனம்
தன் கையறு நிலையறிந்தும்
நல்வழி பிறக்குமென்ற
நம்பிக்கையில் விடிகிறது
நாட்கள் ஒவ்வொன்றும்
கையேந்தும் அத்தெய்வங்களின்
நற்கதிக்கு வேண்டி
கையேந்துவோம் கடவுளிடம்
#ad
#ad
GIPHY App Key not set. Please check settings