External Contributor
மழைநேரக் கொண்டாட்டம்
மழலை செல்வங்களுக்கு
வெற்றுக் காகிதங்கள்
சாதா கப்பல் கத்திக்கப்பலென
சட்டென உருமாறி
மழை நீரில் மிதக்க
மகிழ்ச்சிக் கடலதில்
மிதப்பர் பிள்ளைகள்
கரை சேராது தத்தளிக்கும்
கப்பல் கண்டுவிட்டால்
கண்களில் குளம்கட்டும்
கவலையில் முகம் மாறும்
உனைப் பிரிந்த
என் வாழ்வும்
கலங்கரை தொலைத்த
கரை சேரா கப்பலே
மெய்யாய் பிறந்து
பொய்யாய் வாழ்ந்து
மோன சுகம் காணும்
நம் வாழ்வும் கூட
கரை சேரா கப்பலே
என்றோ மகிழ்ந்திருந்த
நினைவுகளின் தாலாட்டில்
ஏங்கிய என் மனம்
தத்தளித்து தவிக்கும்
காகிதக் கப்பலாய்
மறக்கவியலா நினைவுகளும்
மனக்குவியலில் ஒளிந்து
மனதை வெறுமையாக்க
மனம் போன போக்கில்
மருகி ஓடிய என் மனமும்
கரை சேராது தத்தளிக்கும்
காகிதக் கப்பலே
#ad
#ad
GIPHY App Key not set. Please check settings