ஆசிரியர் - சஹானா இணைய இதழ்
வணக்கம்,
அனைவருக்கும் இனிய ஆங்கில புத்தாண்டு நல்வாழ்த்துக்கள்.
“Mistakes have the power to turn you into something better than you were before” – இது புகழ்பெற்ற ஒரு ஆங்கில சொலவடை. தவறு செய்யா மனிதன் இவ்வுலகில் இல்லை. ஆனால் அந்தத் தவறில் இருந்து நாம் ஏதேனும் கற்றுக் கொண்டோமானால், அதுவே வெற்றிக்கான முதல் படி. இந்த 2024ம் ஆண்டு, உங்களுக்கு அப்படி ஒரு வெற்றிபடிக்காட்டாய், முன்னேற்றப் பாதைக்கு அழைத்துச் செல்லும் பாதையை அமைத்துத் தரும் ஆண்டாய் அமைய சிறப்பு வாழ்த்துக்கள்.
2023ஆம் ஆண்டு ஆகஸ்ட் மாதம் முதல், முன்பு நடைபெற்றுக் கொண்டிருந்த மாதப் போட்டிக்கு பதிலாக, சிறுகதை / குறுநாவல் மற்றும் நாவல் போட்டிகள் நடந்து வருவது நீங்கள் அறிந்தது தான். ரூபாய் 10000 பரிசு, எங்கள் ஸ்ரீ ரேணுகா பதிப்பகத்தின் செலவில் புத்தகம் பதிப்பிக்கும் வாய்ப்பு, இன்னும் சில சிறப்பு பரிசுகளும் வெற்றியாளர்களை காத்துக் கொண்டிருக்கிறது.
வருடப் போட்டிக்கு, நிறைய எழுத்தாளர்கள் தினமும் படைப்புகள் வெளியிட்டு வருவது மிக்க மகிழ்ச்சி. 2023 டிசம்பர் இறுதி வரை எழுதிய படைப்புகளின் அடிப்படையில், அதிக பாயிண்ட்ஸ் பெற்ற முன்னணி எழுத்தாளர்கள் நிலவரம் விரைவில் அறிவிக்கப்படும்.
இந்த வருட போட்டிக்கு, படைப்புகளை சேர்க்க கடைசி நாள் ஜூன் 30, 2024. இன்னும் நிறைய அவகாசம் இருக்கிறது. நீங்களும் இந்தப் போட்டியில் பங்குபெற விரும்பினால், contest@sahanamag.com என்ற மின்னஞ்சல் முகவரிக்கு USER ID கேட்டு செய்தி அனுப்பவும்.
இந்தப் பதிவில், 2023 ஜூலை மாதம் வரையிலான மாதப் போட்டி வெற்றியாளர்கள் விவரம் காணலாம். வெற்றியாளர்களுக்கு, சிறப்பாய் தயார் செய்யப்பட்ட கேடயங்களின் (Trophies) படங்களை இங்கு பகிர்கிறோம். பதிப்பக வேலை காரணமாக கேடயங்கள் அனுப்புவதில் தாமதம் ஏற்பட்டு விட்டது, மன்னிக்கவும். வரும் வாரத்தில் இவை COURIER மூலம் அவர்களுக்கு சென்று சேரும். வெற்றி பெற்றவர்களுக்கு வாழ்த்துக்கள். நன்றி.
Trophies for Winners (will be sent in courier this week)
நீங்களும் இந்த வருடப் போட்டியில் உங்கள் சிறுகதை அல்லது நாவலை பதிவிட விரும்பினால், contest@sahanamag.com என்ற மின்னஞ்சல் முகவரிக்கு Login ID உருவாக்கித் தரச்சொல்லி ஈமெயில் செய்யலாம். மறக்காமல் உங்கள் பெயர் மற்றும் ஈமெயில் முகவரி பகிரவும். பரிசு வெல்ல அட்வான்ஸ் வாழ்த்துக்கள்.
மொத்தப் பரிசுத்தொகை ரூபாய் 10,000 + எங்கள் பதிப்பக செலவில் புத்தகம் பதிப்பிக்கும் வாய்ப்பு
ஆசிரியர் – சஹானா இணைய இதழ்
GIPHY App Key not set. Please check settings