External Contributor
கதியின்றி கடக்கிறேன் என்றேன்
அள்ளி அரவணைத்தாய்
இன்னொரு தாயாய் நீ
கதிரியக்கம் தாங்கவியலாதென
முன் கூட்டியே அறிந்ததனால்
எமை காக்கும் காவலனானாய் நீ
புத்தர் முதல் புல்செடி வரை
அனைவரையும் ஈர்த்தவளே
சின்னஞ்சிறு சிட்டுக்குருவி முதல்
உயிரெடுக்கும் கோடாரி வரை
காயப்படுத்தாது அணைத்தவள் நீ
காலைநேர பகலவன் வழி காண்கையில்
சோலைவனக் கிளியாய்
உனது பசுமை நிறம்
மனதை கொள்ளை கொள்கிறதே
மழையைத் தாங்காது தவிக்கும்
வாகனங்களுக்கும் மனிதர்களுக்கும்
நிழற்குடை நீயே ஆனாய்
குஞ்சுகளுக்காக இரைதேடி
மாலை நேரத்தில்
இருப்பிடம் திரும்பும்
பறவைகளின் சரணாலயம் நீ
விழியற்றவனுக்கும்
உற்ற வழிகாட்டி நீ
மாசற்ற காற்றைத் தரும்
அன்பு தொழிற்சாலையும் நீயே
திசைதிரும்பும் தென்றலுக்கும்
திசைகாட்டி நீ
கருவறை அரண்மனையிலிருந்து
வெளிவந்த என்னை
உன் சுவாசத் தொப்புள்கொடியால்
வாழ வைப்பதும் நீயே
பிறப்புமுதல் இறப்புவரை
உன்னையே நம்பியிருக்கிறது
மனிதஇனம் மொத்தமும்
உன்னிடம் பட்டகடனை
அடைக்க இயலாத நிலையில்
உன்னிலிருந்து உருவான
எழுதுகோலினால் எழுதப்பட்ட
இந்த கவிவரிகளே
உனக்கு என் சமர்ப்பணம்…!
#ad “சஹானா” மாத இதழ்களை வாசிக்க விரும்புவோருக்கு இணைப்புகள் 👇
GIPHY App Key not set. Please check settings