முட்டாள் (சிறுகதை) – சத்யநாராயணன்

எழுத்தாளர் சத்யநாராயணன் எழுதிய மற்ற சிறுகதைகளை வாசிக்க இங்கு கிளிக் செய்யவும்

காதல் …!

காதல் …!!

காதல் …!!!

மூர்த்தி 3 வருஷமாக ஒரு பெண்ணை காதலித்து வருகிறான் . அவள் பெயர் இந்து . ஆழமான காதல் . பார்க்க ரொம்ப அழகு . உருண்டை முகம் .நல்ல அகன்ற நெற்றி . தினமும் உடைக்கு ஏற்றவாறு ஸ்டிக்கர் பொட்டு .கல்லோரியில் படிக்கிறாள் . பி .எ . சரித்திரம் .மூர்த்தியின் நண்பன் ஒரு ” வாட்ச் ” கடை வைத்து இருந்தான் . தினமும் காலை மற்றும் மாலையில் அவன் அங்கு நின்று கொண்டு இந்துவை ” வாட்ச் ” (சைட் )செய்வான் .அவள் பெயர் , குடும்ப விவரம் மற்றும் படிக்கும் ஆண்டு நண்பன் மூலம் அறிந்தான் . மூர்த்தி அதே கல்லூரியில் படித்தவன் .

மூர்த்தி ” வாட்ச் ” செய்வதை அவளும் “வாட்ச் ” செய்தாள் .மூர்த்தி அவள் அழகில் மயங்கி , லயித்து போய் இருந்தான் .

மூர்த்தி டிகிரி கிடைத்ததும் ஒரு வங்கியில் பணி செய்தான் .அதிகம் படிப்பான் . விவேகனந்தா நூல்கள் மிகவும் பிடிக்கும். சமூக சேவையில் ஆர்வம் .அடிக்கடி சென்னை சென்று ராமகிருஷ்ண ஆஸ்ரமம் போய்விட்டு வருவான் ..சமூக சேவை ஆர்வம் அவனை வேலையை ராஜினாமா செய்ய வைத்தது . சென்னை சென்று ரா .கி ஆஸ்ரமத்தில் சேர்ந்தான் . அவனுக்கு மிஷன் நடதுதும் மாதாந்திர பத்திரகையில்

உதவி ஆசிரியர் வேலை கிடைத்தது. சம்பளம் இல்லை . சாப்பாடு மிஷன் போட்டுவிடும் . நன்றாக எழுதினான் . அவன் வேலை மற்ற சேவகர்களால் பாராட்டபட்டது . எல்லாம் 3 வருஷங்கள் தான் . மூர்த்திமன குழப்பம் அடைந்தான் . கல்யாணம் செய்து கொள்ள ஆசை . அவனுக்கு குழந்தைகள் என்றால் ரொம்ப பிடிக்கும் .தனக்கும் ஒரு குழந்தை வேண்டும் என்று நினைத்தான் .

வங்கி வேலையை முன்யோசனை இல்லாமல் விட்டுவிட்டோமே என வருந்தினான் .

தன் மூட்டை , முடிச்சுகளுடன் சொந்த ஊர் வந்தான் .பிறகு தான் இந்துவை பார்த்தான் . இந்துவுக்கு பரிசும் , கடிதமும் கல்லூரி முகவரிக்கு அனுப்பி வைத்தான் . அவள் முர்த்தியை கண்டு கொள்ள வில்லை. இப்படி 2 வருடம் ஓடிவிட்டது . அவள் வீட்டில் இந்த விஷ்யத்தை சொல்லி இருப்பாள் என மூர்த்தி உறுதியாக நம்பினான் .

அவளிடம் பேச துடித்தான் .

மூர்த்தியின் பிறந்த நாள் . ஒரு முடிவு எடுத்தான் .அவன் நேர்மை மிக்கவன் . தைரியசாலி . நேரே இந்து வீட்டுக்கு போனான் . அவள் தங்கை கதவை திறக்க ….இவன் உங்க அம்மாவை பார்க்க வேண்டும் என சொல்ல …

அவர் அம்மாவிற்கு ஷாக் .

மூர்த்தி நேரே விஷ்யத்திற்கு வந்தான் .

” நான் இந்துவை விரும்புகிறேன் . கல்யாணம்

செய்து கொள்ள பிரியபடுகிறேன் …”

” இல்லை ….அவளுக்கு டுபாய் மாப்பிளை நிச்சயம்

முடிந்து விட்டது …”

என்று வாய் கூசாமல் போய் சொன்னார் . மறு நாள் லஞ்ச் சமயத்தில் மூர்த்தி கல்லூரி சென்றான் . அவள் 4 நண்பர்களுடன் “பாஸ்கெட் பால்”மைதானதத்தில் சாப்பிட்டு கொண்டு இருந்தாள் . பயம் எதுவும் இல்லமால் மூர்த்தி பேச்சை ஆரம்பித்து ….

” நான் பிறகு பேசவா …?”

” இல்லை இப்போதே பேசு …!”

” இந்து …ஐ லவ் யு …!”

” எனக்கு நிச்சயம் ஆகிவிட்டது …!”

” இல்லை அது பொய் என்று எனக்கு தெரியும் …!”

“ம்ம …ஆமாம் பொய் தான் …!”

“நீங்க என்ன சொல்றீங்க …?”

” யு ஆர் மை எனிமி …!”

” இல்லை …நான் உங்களை உண்மையாக….”

“உனக்கு என்ன தகுதி இருக்கு …? “

” என்ன எதிர் பார்ப்பு …?”

” ஸ்டுப்பிட் …! கெட் லாஸ்ட் …!”

மூர்த்திக்கு செம ஷாக் . பளார் ..பளார் …என்று கன்னத்தில் அரைந்த்தது போல இருந்தது .கிளம்பி விட்டான் . நேரே மது கடைக்கு போனான் .பிறகு தன் முடிவை மாற்றி கொண்டான் . பேரிடி . ” உனக்கு என்ன தகுதி …?”- இதுவே அவன் காதுகளில் எதிரொலித்தது . அவன் குலுங்கி

குலுங்கி நடு ரோடிலையே அழுதான் . துடிதுடித்து போனான் .

எந்த பெண் ஒன்றும் இல்லாதவனை விரும்புவாள் ..?

இது அவனுக்கு தோன்றவே இல்லை..

சொத்து இல்லை….!

வேலை இல்லை….!!

பணம் இல்லை ….!!!

காதலுக்கு கண் உண்டு .

அவன் ஒரு மடையன் …! 

எழுத்தாளர் சத்யநாராயணன் எழுதிய மற்ற சிறுகதைகளை வாசிக்க இங்கு கிளிக் செய்யவும்

(முற்றும்)