External Contributor
ஒருவரும் சீண்டியதில்லை
ஏச்சுபேச்சுக்கள் தாண்டி
அன்பை உணரும்
வார்த்தைகள் அறிந்ததில்லை
நித்தமும் சூட்டப்படும்
புதுபெயர்களுக்குள்
தேள்கொட்டிய வாழ்க்கை
சிரிப்பைத் தவிர
வேறொன்றும்
எங்கள் கழிவிரக்கமில்லை
ஏங்கிய மொத்த அன்பையும்
ஒரு நொடியில் உணர்ந்தேன்
ஒரு சிறு பாலகன்
என் விரல் பிடித்து
‘அக்கா’ என்றழைத்ததில்
ஊசிபோடும்
வார்த்தைகளுக்கு மத்தியில்
எங்கோ நான் துழாவி
கிடைத்த கரிசனம்
மெய்யாய் சிலிர்த்து
சிரிக்கிறது என் மனம்
உறவுகளும்
உண்மை உரிமையுமே
சகமனிதனிடம் நாங்கள் வேண்டுவது
இப்படிக்கு,
ஒரு திருநங்கையின் தேடல்
இந்த இணையத்தளத்தில் குறைந்த கட்டணத்தில் விளம்பரம் செய்ய எங்களை அணுகலாம்👇
#ad
Super heart touching lines